https://youtu.be/bil_7pzSzSk
行山系列第三撃 –＃獅子山
難度：⭐︎⭐︎⭐︎⭐︎
長度：⭐︎⭐︎⭐︎
時間：約三小時
起點：大圍火車站＞步行＞紅梅谷燒烤場
終點：天馬苑＞小巴72／73號＞九龍塘火車站
路線特色 : 交通方便，靚靚日落，長度適中，但有一定難度，有經驗者陪同為佳
宜：＃影山景，＃影日落，＃一班麻甩佬，＃三五知己（有經驗者為佳）
忌：＃行山初哥，＃少做運動之人
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
純文字攻略：（方便大家copy定行山時睇番）
係大圍火車站c出口集合，上圓形天橋後，沿紅梅谷路前往紅梅谷燒烤場。
約15分鐘：上完樓梯左轉行兩步再右轉，之後會見到有往獅子山同望夫石路牌，先往右前往望夫石。（之後係望夫石會有路再駁番上獅子山）
約35分鐘：右邊有小路通往望夫石，直行就會繼續前往獅子山。
約1小時：離開望夫石。
約1小時10分鐘：有路牌，沿路牌直走往獅子山方向前進。
約1小時40分鐘：到達回歸亭。左轉方向前往獅子山頂，正前方向前往橫頭墈（天馬苑終點），右轉方向前往畢架山。請先稍作休息後往左轉。
約1小時45分鐘：離開涼亭行兩步，就會見到路牌，左往沙田㘭，右往獅子山頂，請轉右。
約1小時50分鐘：落日石。
約2小時5分鐘：上完一大段崎嶇既梯級就會到山頂，右轉往獅子山頭，左轉往獅子身。
約2小時25分鐘：離開獅子山頂。
約2小時40分鐘：返到回歸亭，左轉往橫頭墈（天馬苑終點）方向離開。
約3小時：見到一個白底黑字寫住往獅子山既路牌，接上馬路轉右，行多兩步就會見到獅子山公園。
約3小時10分鐘：離開獅子山公園沿馬路行幾步，就會見到有條樓梯係你左面，落到去就會見到小巴站係你對面架啦！
乘搭小巴72／73號就可以返到去九龍塘火車站。
Search